Round Table Poker圓桌德州撲克林子聰劉偉強片場撞鬼實錄分享

8 月 02 HKPPA | 香港撲克牌手協會

分享給更多撲克朋友，加入大家庭。Share with your friends and join the family.

Round Table Poker圓桌德州撲克林子聰劉偉強片場撞鬼實錄分享

Round Table Poker圓桌德州撲克林子聰劉偉強片場撞鬼實錄分享 Eric Kwok 郭偉亮 同劉浩龍主持嘅網絡節目Round Table Poker《圓桌德州撲克》，每集都會請娛圈名人嚟做嘉賓，一邊玩Poker一邊傾談演藝經歷同趣事。之前節目請咗《少林足球》三位師兄弟出席，田啟文、陳國坤同林子聰難得一齊出嚟，同兩位主持分享香港電影影壇趣事，仲有模特兒Angus張若錡擔任性感荷官。( HKPPA 編輯報導)
Round Table Poker圓桌德州撲克林子聰劉偉強片場撞鬼實錄分享

田啟文買鬼屋畀鬼砸

節目中，電影監製田啟文分享咗一個靈異事件，佢話係首次置業時，居然買到鬼屋，仲有「畀鬼砸」嘅靈異經歷。田啟文話：「唔知點解啊，啲野係無啦啦就畀『畀鬼砸』，完全唔郁得。嚟砸咗好耐，我諗係咪男定係女啊？」陳國坤就即刻笑話佢：「女嚟嘅就冇所謂啦！」田啟文續指：「我又唔刻意問啲師傅，咁又唔見佢搞我，就由佢搞囉！」
Round Table Poker圓桌德州撲克林子聰劉偉強片場撞鬼實錄分享

田啟文講緊，佢曾經問纏繞喺屋企嘅鬼「攞冧把」去買六合彩。佢笑言事件其實幾「陰公」，佢話：「真係夢報啊，佢報三個字，咁我就走去買六合彩，攞10蚊去買，攞10蚊去買就中咗100蚊。」然後佢再用贏嚟嘅100蚊買六合彩：「然後我再用嗰三個字去買，寫咗10張、拖唔同冧把，買到最尾嗰張又冇買到，剩係買咗9張。咁諗住攞返本錢，啱啱一對，一張中咗三獎，其他幾張中咗其他獎，唯獨冇買到嗰張中頭獎。」但田啟文解釋當時六合彩數字比而家少，而彩池亦冇而家咁多，頭獎亦只係三十幾萬。
Round Table Poker圓桌德州撲克林子聰劉偉強片場撞鬼實錄分享

最後，被問及鬼魂嘅下落時，田啟文講有一個朋友喺佢屋企借宿一宵：「咁半夜我聽到佢喺度咁吵，我以為佢話夢話，我都冇留意，繼續瞓啦！第二日朝頭早起身，我問『你昨晚點解咁喊？』佢立刻彈起身話『你屋企有鬼啊！』我仲唔記得啊！然後佢講佢（鬼魂）踩佢，佢就醒，然後佢就用法術打咗佢，鬼就冇啦！」田啟文表示原來朋友識得茅山法術，但佢一直都唔知道朋友嘅本領。
Round Table Poker圓桌德州撲克林子聰劉偉強片場撞鬼實錄分享

劉偉強對攝影機上香

提到靈異事件，林子聰都講咗參與某次拍攝嘅經歷：「我試過一次，部機唔係好用，拍菲林Roll極都Roll唔到，一Roll就停，又唔係冇電、檢查過都冇問題。嗰陣劉偉強（導演/攝影師）就講句粗口先，然後轉頭，唔好拍！然後叫個助手裝香。咁我哋就『裝香？裝咩嚟？』裝喺佢部機到啊！插喺部機到啊！之後插咗落去一陣間Roll返到喇！乜都冇搞過！」表示類似嘅拍攝靈異事件，自己都只遇過一次。
Round Table Poker圓桌德州撲克林子聰劉偉強片場撞鬼實錄分享

【關於 HKPPA 香港撲克牌手協會】
HKPPA 為香港撲克牌手公認協會(Hong Kong Poker Players’ Association)，是由多名香港知名職業牌手所組成，我們將提供德州撲克教學以及德州撲克資金管理等優質內容, HKPPA 香港撲克牌手協會目標以推廣香港撲克文化交流而生,致力於培養更多職業撲克牌手參與國際撲克賽事並且與國際選手相互交流與成長。