鋪鋪Poker終極一集 Kathy教仔講禮貌 Amber爆自細渴望做Model

鋪鋪Poker終極一集 Kathy教仔講禮貌 Amber爆自細渴望做Model。HKPPA整理報導，由舊年開始播出嘅《鋪鋪Poker》，嚟到今日將播出終極一集，各位主持包括郭偉亮、劉浩龍、布樂文、胡美貽 同陳若思，仲有繼續擔任嘉賓嘅名模兼「辣媽」 周汶錡 盡地一煲，玩得非常投入。

《鋪鋪Poker》已經播出近40個周末，4/1播出最後一集

雖然Kathy一早已經講過Poker技術麻麻，不過一鋪all-in就成功KO咗Eric，而被清枱嘅Eric仲自豪咁話︰ 「輸畀Kathy好開心。」席間Eric問到Kathy湊仔心得，已為兩子之母嘅佢透露︰「可嚴可不嚴，嚴嘅係禮貌上，要堅持叫人、望住人講嘢，呢樣會好唚氣，連我自己都知好煩。」

Eric又問到假如同法籍老公Julien教仔出現分歧時，邊個會主導，辣媽Kathy就霸氣話︰「梗係要(聽我話)啦，一個眼神(老公)就知唔好再繼續喇。」Eric就講笑指玩啤牌時，Kathy可以用呢種眼神「兇」對手。

Kathy呢晚再次擔任嘉賓，仲分享湊仔經驗

而Amber似乎對擔任model有好大興趣，問到業內對身高要求時，Kathy話︰「門檻高度係 173、174cm(約5呎8吋)，不過而家唔使。」而Amber則半信半疑話︰「我嘅年代興𡃁模多啲，所以門檻係低啲㗎，166cm都可以，都係模特兒吖。」

跟住佢又自爆，出世時醫生聽到自己喊聲有異，被「剪脷」嘅經過，仲即場展示自己嘅短 脷。不過講法就被師兄質疑喇︰「唔係剪條脷呀，剪條筋。剪脷咪變條蛇？剪臍帶就聽過。」令在場各人大笑。

Amber接受訪問時提到《鋪鋪Poker》結束非常不捨，佢話︰「因為我好似仲未贏過。」Amber又指想做model嘅念頭始於小學，原來當時佢身高竟然係全班之冠， 細細個已有156cm(約5呎1吋）高，所以家人都認定係model材料︰「喺13歲之前一路都係全班最高，所以嗰時屋企人都叫我去做model，但係之後到而家都冇點高過。」

原來陳爸爸非常高大，足有186cm(約6呎1吋)身高，可惜Amber就未有遺傳到，佢左思右想認為同發育時期經常捱夜有關︰「成日通宵睇電視、煲劇、睇小說。」

節目最後一集，主持嘉賓不分輸贏都會接受大懲罰，伸手入箱「盲摸」，最終揭曉箱內物品， 大家都被嚇到咿哇鬼叫，到底係乜令佢哋有咁激烈反應，就要留意最後一集 《鋪鋪Poker》喇。

【關於 HKPPA 香港撲克牌手協會】
HKPPA 為香港撲克牌手公認協會(Hong Kong Poker Players’ Association)，是由多名香港知名職業牌手所組成，我們將提供德州撲克教學以及德州撲克資金管理等優質內容, HKPPA 香港撲克牌手協會目標以推廣香港撲克文化交流而生,致力於培養更多職業撲克牌手參與國際撲克賽事並且與國際選手相互交流與成長。

看更多 HKPPA 撲克相關文章
前往 HKPPA 合作平臺GG撲克
前往 Andy Stacks 國際撲克牌手教學官網
前往 WPT世界撲克巡迴賽
前往 WSOP世界撲克大賽