J2 鋪鋪Poker節目陳欣茵直認曾比特屬心儀類型︰喜歡另一半有才華

分享給更多撲克朋友，加入大家庭。Share with your friends and join the family.

J2 鋪鋪Poker節目陳欣茵直認曾比特屬心儀類型︰喜歡另一半有才華

J2 鋪鋪Poker節目陳欣茵直認曾比特屬心儀類型︰喜歡另一半有才華。HKPPA整理報導，J2 3月4日晚9點半播出的《鋪鋪Poker》，由郭偉亮(Eric)、師兄劉浩龍、陳欣茵（欣茵）、胡美貽（Nicole）同布樂文（JB）主持。今集嘉賓繼續是唱得之人曾比特。

J2 鋪鋪Poker節目 HKPPA 郭偉亮/師兄劉浩龍

曾比特上一集講到爆炸頭髮型的由來，原來是誤打誤撞，最後成為標記。Eric在節目開場白短評曾比特時話︰「佢平時好似好怕醜，我大佢幾嘢都跟喎。雖然新學但冇退縮，佢喺呢個娛樂圈、內地成功係有原因嘅，去到緊要關頭係唔會怯場。」

J2 鋪鋪Poker節目 HKPPA 師兄劉浩龍/胡美貽

J2 鋪鋪Poker節目 HKPPA 陳欣茵

唱家班出身的曾比特透露近日當演員參與拍攝工作，過程很好玩，他說︰「透過同人交流、導演教，先知道一個角色就算得一句對白，都可以有深層意義。」身旁的師兄表示做歌手是個人的事，而拍戲是成班人，一齊做一件事︰「我覺得好正。」JB忽然講到自己父親是曾比特fans，特別喜歡他唱《初戀》。曾比特都話自己男fans人數比女fans多，他自爆︰「睇過網頁嘅數據，followers係男仔多過女仔。」

J2 鋪鋪Poker節目 HKPPA 陳欣茵

牌局去到中段，話題跳到喜愛的運動，曾比特鍾情跳繩及跑步︰「減肥跳繩真係好屈機，其實我生活都好枯燥……嘢食都唔識煮，淨係識煮公仔麵，不過我煮嘅公仔麵唔錯㗎。」師兄即刻打蛇隨棍上開玩笑問「欣茵，你想唔想食呀？」想不到她毫不避嫌秒回︰「想！梗係想。」欣茵事後接受訪問時解釋「有人煮梗係食，仲要Mike（曾比特）喎。」被問到曾比特是否喜歡的類型時，她直言喜歡有才華的男仔︰「如果阿Mike都係屬於有才華嘅男仔，咁咪係囉。另一半要有發光、發亮嘅一點，畀我去仰慕。」

J2 鋪鋪Poker節目 HKPPA 鋪鋪Poker節目現場

另外，香港Poker教父Ricky一直都低調為牌局發牌，今集他隆重宣佈稍後會代表香港，帶隊在港迎戰12隊亞洲地區及國家的Poker隊伍，他說︰「今次香港主場，有韓國、日本、越南派隊，每隊10多人，我都會帶香港隊出戰。頭4名勝出會去蘇黎世比賽。」他又提到Poker目前已成為奧運觀察項目4年，相信過多2、3年便成為正式比賽。Eric同師兄一聽到有機會成為奧運代表時，即刻表現非常興奮，Eric指住師兄話︰「佢好想參加，代表香港參加奧運，佢阿媽一定好開心。」師兄亦很雀躍表示「咁嘅年紀可以揸住支（區）旗，真係好威。」當Eric同師兄知道就算當後備，都有機會贏獎牌時，即二話不說同Ricky報定名要做代表。

【關於 HKPPA 香港撲克牌手協會】
HKPPA 為香港撲克牌手公認協會(Hong Kong Poker Players’ Association)，是由多名香港知名職業牌手所組成，我們將提供德州撲克教學以及德州撲克資金管理等優質內容, HKPPA 香港撲克牌手協會目標以推廣香港撲克文化交流而生,致力於培養更多職業撲克牌手參與國際撲克賽事並且與國際選手相互交流與成長。