香港撲克公開賽郭偉亮與劉浩龍出席明星賽

分享給更多撲克朋友，加入大家庭。Share with your friends and join the family.

香港撲克公開賽郭偉亮與劉浩龍出席首屆香港合法撲克比賽

香港撲克公開賽郭偉亮與劉浩龍出席首屆香港合法撲克比賽。HKPPA整理報導，2月18日，由Asia Poker Academy (APA) 亞洲撲克學院舉辦嘅首屆「香港公開撲克比賽」，藝人郭偉亮與劉浩龍受邀出戰明星表演賽！二人剛從日本北海道滑雪返港，透露此行逗留一個月，由於已有2年沒有到當地，故趁機玩個痛快，更指若非有工作在身，定必繼續留低。劉浩龍表示近年受郭偉亮影響愛上滑雪，喜歡於雪上自由自在感覺，郭偉亮就笑指於當日養成早睡早起習慣：「我從來唔會06起身、11點上床瞓覺，除咗滑雪，依家返嚟成個星期都未調番作息時間，但另方面又覺得早起多咗好多時間用。」

香港撲克公開賽 HKPPA 郭偉亮與劉浩龍

雖然話係明星表演賽，不過每位參加者都當好似拎住真錢咁玩，鬥志鬥力，又盡量表現出poker face，等對方估唔到自己底牌。而一向大力推廣德州撲克遊戲文化嘅郭偉亮同劉浩龍，因為一齊經營YouTube頻道《圓桌德州撲克》，成日都邀請唔同嘅明星朋友上去玩poker，所以就算比賽都可以輕輕鬆鬆、談笑風生咁玩啊！

香港撲克公開賽 HKPPA 比賽現場

決勝階段由《愛回家》楊家寶（Bobo）對決主辦方Lazy Marketing嘅CEO Edmond Ling！雖然Bobo話自己學咗poker無耐，但實力超晒班，非常有天份，同Edmond來來回回咁All-in都分唔出勝負，經過多輪苦戰後，最後由Edmond贏出明星表演賽。Bobo可以講係雖敗猶榮啊～

香港撲克公開賽 HKPPA Edmond Ling奪冠

【關於 HKPPA 香港撲克牌手協會】
HKPPA 為香港撲克牌手公認協會(Hong Kong Poker Players’ Association)，是由多名香港知名職業牌手所組成，我們將提供德州撲克教學以及德州撲克資金管理等優質內容, HKPPA 香港撲克牌手協會目標以推廣香港撲克文化交流而生,致力於培養更多職業撲克牌手參與國際撲克賽事並且與國際選手相互交流與成長。