J2節目鋪鋪Poker 楊千嬅去學校面試：外籍考官喺我面前google我

J2節目鋪鋪Poker 楊千嬅去學校面試：外籍考官喺我面前google我。HKPPA整理報導，J2節目《鋪鋪 Poker》由郭偉亮（Eric）、師兄劉浩龍、陳欣茵（Sonya）、陳若思（Amber）同布樂文（JB）主持。今集嘉賓繼續是天后級人馬楊千嬅。千嬅的笑聲繼續充斥 poker枱，Poker局變成清談節目。

話題講到千嬅老公丁子高身上，他在圈中素有「遊戲大王」之稱，Sonya 就問到會不會同老公同枱玩 poker，千嬅斬釘截鐵話不會：「係就真係大鑊會變成『倫理』問題，真係大件事個啲，佢（丁子高）一係話『做咩呀你仲去』或者『你唔係呀你大我呀』。」絕對是一個兩難局面，身旁的師兄似乎感同身受，語重心長回了句：「我完全諗到個畫面。」

接住千嬅又講到幫囝囝報學校的逸事，面試當日被外籍面試考官用 google 搜尋自己，她笑住話：「我見到佢喺我面前 google 我，因為佢副眼鏡反光睇到。跟住即刻針對我問『你可以畀到幾多時間陪小朋友學習』我就答係可以隨時隨地，因為佢（囝囝）係我 first priority（首選）。」最後兒子成功入讀。

水瓶座的千嬅鍾意用星座來相人：「可以大概知一個人性格，當然人人都會有唔同。我個仔雙子座會有自己邏輯，唔會講阿媽唔啱聽，有機會畀媽咪問反嘅嘢。而家小朋友個個都係咁，佢算低壇數，（囝囝）都係搵食啫。」千嬅又爆囝囝最叻在自己同老公面前扮細路：「點樣識穿？因為見到佢同其他小朋友玩嘅時候，啲樣唔係平時嗰啲樣。當你發現小朋友喺爸爸媽媽面前質低自己扮細路，就知道佢已經唔係細路。」千嬅同時又發現兒子另一秘密，就是聽自己的舊歌：「聽到佢喺房聽我首舊歌《河童》（2001 年作品），佢話學中文喎。唔知點解佢識聽。」

【關於 HKPPA 香港撲克牌手協會】
HKPPA 為香港撲克牌手公認協會(Hong Kong Poker Players’ Association)，是由多名香港知名職業牌手所組成，我們將提供德州撲克教學以及德州撲克資金管理等優質內容, HKPPA 香港撲克牌手協會目標以推廣香港撲克文化交流而生,致力於培養更多職業撲克牌手參與國際撲克賽事並且與國際選手相互交流與成長。

看更多 HKPPA 撲克相關文章
前往 HKPPA 合作平臺GG撲克
前往 Andy Stacks 國際撲克牌手教學官網
前往 WPT世界撲克巡迴賽
前往 WSOP世界撲克大賽