陶大宇玩Poker 心口掛個勇：話晒係丁蟹個仔！

陶大宇玩Poker 心口掛個勇：話晒係丁蟹個仔！HKPPA整理報導，J2節目《鋪鋪Poker》10日晚上的嘉賓是陶大宇，期間身為主持的「師兄」劉浩龍及陳若思（Amber）記者上身不斷發問。陶大宇被師兄問到市民平時如何稱呼他，他說：「都係『張大勇』、『師奶殺手』啦，自己好似改咗名咁。其實叫大宇就得，唔好加個『哥』字。」說到「師奶殺手」這封號的由來，陶大宇說劇集《刑事偵緝檔案》受歡迎，追看的大多是「師奶」，所以有傳媒以此來起題。Amber問陶大宇喜歡演好人或壞人角色，他說︰「冇所謂嘅，最緊要拿捏到，拿捏唔到會吃力不討好。我比較怕拍古裝，攞住把劍戴住頭套企喺山邊會覺得好怪，我係時裝人。」

J2節目《鋪鋪Poker》昨晚（10日）的嘉賓是陶大宇。

陶大宇玩Poker心口掛個勇。

在牌局中陶大宇玩Poker表現得非常進取，就算底牌差，都照跟照落注，他笑笑口說：「話晒係丁蟹個仔！」期間有幾鋪他輸到差不多清枱時，都會有一兩鋪靚牌出現救命，特別是有一鋪他勝出同Amber單對單「all-in」，令他起死回生，直到跟師兄的對決，他才被清枱，最後大贏家是譚焯升。

陶大宇說劇集《刑事偵緝檔案》受歡迎，追看的大多是「師奶」。

另外，主持郭偉亮(Eric)和師兄均說自己傾向演奸角，認為有更多機會發揮，Eric說在電影《有客到》飾演有姦屍僻好的變態殺手，太太葉佩雯負責教戲︰「喺屋企教我點做，好多嘢係問佢，佢係我師傅。」師兄突然反問︰「佢有冇做埋條屍？」醒目的Eric即笑說︰「我唔會答你呢個問題，我會好大鑊，雖然我有好多好精彩答案答出嚟。」

【關於 HKPPA 香港撲克牌手協會】
HKPPA 為香港撲克牌手公認協會(Hong Kong Poker Players’ Association)，是由多名香港知名職業牌手所組成，我們將提供德州撲克教學以及德州撲克資金管理等優質內容, HKPPA 香港撲克牌手協會目標以推廣香港撲克文化交流而生,致力於培養更多職業撲克牌手參與國際撲克賽事並且與國際選手相互交流與成長。

看更多 HKPPA 撲克相關文章
前往 HKPPA 合作平臺GG撲克
前往 Andy Stacks 國際撲克牌手教學官網
前往 WPT世界撲克巡迴賽
前往 WSOP世界撲克大賽