鋪鋪Poker：蘇民峰自誇最叻唔睇底牌遭Eric一句寸爆

分享給更多撲克朋友，加入大家庭。Share with your friends and join the family.

鋪鋪Poker：蘇民峰自誇最叻唔睇底牌遭Eric一句寸爆

鋪鋪Poker：蘇民峰自誇最叻唔睇底牌遭Eric一句寸爆。HKPPA整理報導，J2（82台）逢周六晚9點半播出的《鋪鋪Poker》，由郭偉亮（Eric）、方力申及J2ers陳欣茵擔任主持，10月1日晚播出第一季最後一集，有蘇民峰、劉浩龍（師兄）擔任嘉賓，師兄更會接「榮休」的小方棒，成為第二季主持。

另節目常客「香港撲克教父」 Ricky則擔任派牌專員。是集Ricky繼續跟大家分享Poker小知識，解答「點睇邊個開牌先」及「All in是否所有人都要開牌」。

鋪鋪Poker：蘇民峰自誇最叻唔睇底牌遭Eric一句寸爆

小方「榮休」喇！

行運行到59？欣茵被批行30年財運

今集難得請到大師蘇民峰做嘉賓，當然要嚟個「Poker版開壇」啦。蘇師傅大方地為單身的師兄算桃花，並指原來師兄在2016至2021年期間有數個桃花年，只是他一一錯過了，師兄聞言不禁感嘆：「即係完結咗囉。」蘇師傅又指師兄的下一個桃花年，要等到2025年蛇年，師兄聞言即表現「疊埋心水」：「咁我努力做嘢啦！」欣茵亦爭取良機問及自己的事業運，蘇師傅笑言：「就嚟否極泰來，衰多幾年先啦，哈哈。」蘇師傅並著欣茵不需要太擔心，皆因她29歲後會行30年財運，行運更會行到59歲，加上明年2023年是她的重桃花年，可能會遇到「白馬王子」！

最後一集有大師蘇民峰做嘉賓。

仲有師兄劉浩龍。

聽到2023年有重桃花，欣茵直情開心到眼都凸埋。

自認賭運麻麻、「呢10年輸足9年半」的蘇師傅，在賭桌上有唔少自家「誡條」，更與在場人士開心Share。蘇師傅說：「我玩咩都唔睇（底）牌，因為我實去架嘛，一定玩到底！」豈料遭資深Poker玩家兼主持Eric一句寸爆：「通常都係唔識玩或者好有錢嘅人，先會講啲咁嘅嘢。」不過咁講還咁講，蘇師傅在節目經常忍唔住「望底牌」，其間指自己喜歡以小博大嘅佢，更憑「2」和「7」分別博到蛇和「滔啤」，獲Ricky封為「二七專家」。蘇師傅更因而大拋勵志Bite：「我成日勸人哋，就算開局嗰時好差，好似二、三十歲一事無成，但你一日未到最後，都唔知結局係點。」除了口才了得、蘇師傅觀察能力亦相當頂級，更在節目中大晒「觀人」之術，多番睇穿欣茵底牌，再獲Ricky大讚「師傅Read人好勁！」

蘇師傅拎咗兩次「2、7」都博到大牌，真係吹佢唔脹。

Ricky封蘇師傅係「二七專家」。

【關於 HKPPA 香港撲克牌手協會】
HKPPA 為香港撲克牌手公認協會(Hong Kong Poker Players’ Association)，是由多名香港知名職業牌手所組成，我們將提供德州撲克教學以及德州撲克資金管理等優質內容, HKPPA 香港撲克牌手協會目標以推廣香港撲克文化交流而生,致力於培養更多職業撲克牌手參與國際撲克賽事並且與國際選手相互交流與成長。