陳靜及JW王灝兒現身鋪鋪Poker 香港撲克教父Ricky落場齊齊玩

陳靜及JW王灝兒現身鋪鋪Poker 香港撲克教父Ricky落場齊齊玩!HKPPA整理報導，J2（82台）逢周六晚9點半播出的《鋪鋪Poker》，由郭偉亮（Eric）、方力申，及J2ers陳欣茵及胡美貽主持，今天這一集嘉賓是陳靜（Dada）和JW（王灝兒），及有「香港撲克教父」之稱的Ricky；今集Ricky為大家分享的Poker小知識為Hero Call。

唔知係咪因為真係「脫單」嘅關係，Dada好似愈嚟愈靚咁喎。

小方郭偉亮因為一鋪牌反面？

由於今集嘉賓是被Eric譽為Poker女高手的Dada及JW，為了嚴陣以待，Eric邀請了教父級的Ricky落場齊齊玩。可能因為高手雲集，今集《鋪鋪Poker》戰況前所未有咁激烈，驚現唔少成功「偷雞」個案及冤家牌；Eric及小方更因為一局牌面臨決裂邊緣，小方一度激動咆哮：「呢鋪牌我睇清楚你！」

呢場Dada VS Eric嘅牌局，相當精彩。首先Dada取採主導權打個招呼先。

然後佢即刻狠狠咁落注，睇吓JW食花生食得幾開心。

JW食完花生輪到小方食，Eric就畀Dada搞到籮籮孿。

Dada呢啲係正宗poker face，同平時親切嘅佢判若兩人。

去到緊張關頭，Dada直頭好進擊咁以電眼向Eric宣戰。

加埋呢個甜笑，睇嚟Eric都凶多吉少。

2013年憑電影《低俗喜劇》榮膺金像獎「最佳女配角」的Dada，未正式開戰時雖然與眾人有講有笑，但到正式落場一刻則變身「Poker Face」天后，無論揸靚牌或爛牌均不動聲色，獲Ricky評為「偷雞好兇狠」的保守型玩家之餘，更令小方高呼：「我唔信女人架喇，依家！」心理質素穩健的Dada，邊把玩「賭神戒指」，邊自爆兩大玩牌宗旨：「輸人唔輸陣」及「有信心唔一定贏，但冇信心一定會輸！」

節目所見，Dada全程表現確實硬朗，更一度要求Ricky：「你唔好因為我係女仔而錫住我！」其中一局Dada VS Eric，便完全展現了Dada藝高人膽大一面。經過製作組精心剪輯，該局觀眾與Eric一樣對於Dada手持甚麼牌懵然不知，故此看得份外投入；面對Dada勢兇夾狼落注，出名冷靜的Eric亦一度被嚇至口窒兼猶豫不決；不過Dada未有因而收手，更以電眼直視Eric「宣戰」，嚇得Eric直呼：「好耐冇試過咁長時間望住一個女仔。」到底Dada是純偷雞還是真的揸靚牌，節目自有分曉。

雖然Dada玩Poker膽識過人，但拍拖卻並非一味靠衝。雖然Dada早前出席公開活動時透露仍是單身，不過在與Eric分享愛情觀期間卻因忍不住甜笑露端倪，似乎「脫單」有望。事緣Dada指拍拖最緊要是另一半開心，Eric聞言即打蛇隨棍上追問：「咁你依家開唔開心？」Dada聽畢難掩甜笑並簡單說了「開心」兩字，Eric隨即佻皮地恭喜Dada，場面搞笑。有話直說的Dada，又親揭近年電影產量減少真相，其中一個原因是想「多點感受生活」。

至於獲Ricky稱為「愛偷雞」Aggressive型玩家的JW，則全程被Dada搶盡風頭，難得JW依然全程笑哈哈，並大方暢談近況。JW直認因拍攝劇集《痞子殿下》戲癮大發，並謂相比起歌唱事業，更希望於演戲方面獲取獎項：「我恨攞最佳女主角架」。笑言對自己演技信心爆棚的JW，坦言除了「被強姦」角色，甚麼角色也樂意挑戰；被問到會否想飾演強姦人角色時，JW則搞笑謂：「睇吓個對象係邊個囉，哈哈！」

【關於 HKPPA 香港撲克牌手協會】
HKPPA 為香港撲克牌手公認協會(Hong Kong Poker Players’ Association)，是由多名香港知名職業牌手所組成，我們將提供德州撲克教學以及德州撲克資金管理等優質內容, HKPPA 香港撲克牌手協會目標以推廣香港撲克文化交流而生,致力於培養更多職業撲克牌手參與國際撲克賽事並且與國際選手相互交流與成長。

看更多 HKPPA 撲克相關文章
前往 HKPPA 合作平臺GG撲克
前往 Andy Stacks 國際撲克牌手教學官網
前往 WPT世界撲克巡迴賽
前往 WSOP世界撲克大賽