JW王灝兒成為香港德州撲克代表出戰奧林匹克觀察項目

分享給更多撲克朋友，加入大家庭。Share with your friends and join the family.

JW王灝兒成為香港德州撲克代表出戰奧林匹克觀察項目

JW王灝兒 成為香港德州撲克代表出戰奧林匹克觀察項目歌手JW（王灝兒）近日為處女古裝劇《痞子殿下》密密開工，同時亦為節目《聲夢傳奇》擔任導師，已經都難以分身，但就喺呢個時候，佢再High爆出Post指自己成為香港撲克代表隊成員之一︰「真係發夢都估唔到我會鍾意玩Poker玩到成為香港代表！」仲透露本周日（13日）會出戰奧林匹克觀察項目Match Poker Asian Nations Cup，3樣嘢同時進行之下佢笑話︰「就睇吓我今個月點樣表演零睡眠人體極限！」。
JW王灝兒成為香港德州撲克代表出戰奧林匹克觀察項目

事後JW（王灝兒）接受東網訪問，佢話喺中學時期初次接觸Poker，一開始只係純粹同朋友玩吓，直至到近呢幾年先研究多咗，今年曾被Eric Kwok（郭偉亮）邀請上佢個專玩Poker嘅頻道交過兩手︰「我諗就係因為呢個頻道，令香港區代表隊搵我同佢加入Team，我哋都會有訓練，覺得OK，出戰都唔會太緊張，平常心啦！但依家都真係冇乜得點瞓，咁啱又要《聲夢》、又要拍劇，所以最近啲時間過得非常之充實，全部都係自己鍾意做嘅嘢，所以好開心！」
JW王灝兒成為香港德州撲克代表出戰奧林匹克觀察項目